недела, 26 мај 2024

Демири бара одговорност од раководството откако се поплави Клиниката за токсикологија

Хаваријата со цевката од парно на Токсикологија е санирана. Не е законски ако клиниката не е осигурена и менаџментот на институцијата треба да преземе одговорност, изјави попладнево министерот за здравство Илир Демири. По сите скандали, ноќеска скоро два часа течела вода од пукната цевка од парното на Клиниката за токсикологија поради што бил полавен третиот кат на килинката, а водата се слевала сѐ до подрумот.

Фото: скриншот

Објавено на

часот

Сподели

Клиниката не била осигурана од штети, нешто на што неодамна предупредија вработени во клиниката преку писмо упатено до јавноста. МКД.мк пред повеќе од еден месец прв го отвори прашањето и напиша за состојбите на Клиниката за токсикологија особено по назначувањето на економската директорка Бесија Иљази на еден ден пред формирањето на техничката Влада, која покрај се, не го говори македонскиот јазик.

„Ако зборувате за хаваријата со цевката од парно таа е санирана уште вчера од страна на Заеднички служби. А пропо вашата изјава дали е потпишан договор или не, тоа се интерни договори на клиниките со кои не располагам. Морам да ги проверам, па после да ви кажам дали е така или не“, изјави денеска Демири.

Одговарајќи на новинарки прашања, Демири рече дека треба да се провери дали имало договор за осигурување или не.

Прашан за болничарот кој требаше да биде суспендиран, Демири рече дека голема неправда е направена на Токсикологија, затоа што не е обезбедена согласност од страна на менаџментот за обезбедување на договорите за работа за 18-те вработени кои четири месеци работат во Клиниката, а не добиваат економски надомест.

„Јас кажав тоа што имам забележано и за што имам факти и тоа е изјава дадена во јавноста, меѓутоа сме во предизборие, во тек е изборна кампања, не сакам да се прекрши ниедна законска процедура. Чекам да дојде извештајот на инспекцискиот надзор кој ги има обврзано во тек на пет дена менаџментот на институцијава да најде решение за 18-те луѓе кои се вработени таму, кои работат, а не добиваат економски надомест“, изјави Демири.

Рече дека не се точни наводите дека економската директорка доаѓала на работа четири часа.

„Според моите сознанија, економската директорка оди на работа и не се паркира на влезот на Клиниката. Проверено е“, рече Демири.

ТОП ВЕСТИ

ПОСЛЕДНИ ВЕСТИ