Данска остана на светскиот трон, тие вечерва со доминантна игра покажаа дека се убедливо најсилната ракометна селекција во овој момент.
Данците водеа во текот на целиот меч, Хрватска се обидуваше да парира во првиот дел, но тешко им одеше. На одморот се замина со водство на Скандинавците од 16-12.
Во вториот дел само се зголемуваше предноста на Данска, во еден период стигна и до +10, беше 24-14. На крајот Хрватите намалија на шест негатива за конечни 32-26.
Гидсел со десет голови беше најефикасен во составот на Данска и на натпреварот, кај Хрватска Мартиновиќ даде шест погодоци.
