Авиокомпанијата потврди дека сите 172 патници и шесте членови на екипажот безбедно го напуштиле авионот, а шест патници потоа биле пренесени во локална болница за дополнителни прегледи.
Летот 1006 на Американ Ерлајнс од Колорадо Спрингс до Далас, кој превезувал патници во авионот Боинг 737-800, слетал во Денвер откако екипажот се пожалил на вибрации на моторот, соопшти ФАА. На социјалните мрежи е објавена драматична снимка од патници кои стојат на крилото на авионот и чекаат да бидат евакуирани додека густ чад излегува од моторот.
American Airlines flight 4012 caught fire after an engine failed…. Plane was diverted to Denver.
My mom was on this flight. THANK YOU GOD that they are alive. pic.twitter.com/4wBsFlj4TU
— Alexandria Cullen (@AlexandriaCTV) March 14, 2025
Американ ерлајнс соопшти дека авионот слетал безбедно и пристигнал на аеродромот, но потоа доживеал „проблеми поврзани со моторот“. Според податоците на страната за следење летови Флајтрадар24, авионот стар 13 години бил опремен со два мотори ЦФМ56, произведени во соработка помеѓу ГЕ и Сафран.
ФАА најави истрага за инцидентот. Портпаролот на меѓународниот аеродром во Денвер потврди дека пожарот е изгаснат и дека летовите продолжиле да функционираат без прекин. Боинг одби да го коментира инцидентот и ги префрли сите прашања до Американ ерлајнс и истражителите. ГЕ сè уште не одговорил на барањето за коментар.
BREAKING: American Airlines plane catches fire at Denver airport pic.twitter.com/DwQvCCRrNz
— BNO News (@BNONews) March 14, 2025
Овој инцидент е само еден во низата неодамнешни проблеми во американската воздухопловна индустрија кои ја доведоа во прашање безбедноста на воздушниот сообраќај. Меѓу нив е и судирот на регионалниот авион на Американ ерлајнс со воен хеликоптер на 29 јануари, при што загинаа 67 лица.
Минатиот месец регионален авион на Делта ерлајнс се преврте на покрив при слетување на аеродром во Торонто под силни ветрови по снежна бура, при што беа повредени 18 од 80 патници во авионот, но сите преживеаја.
Извршниот директор на Американ ерлајнс Роберт Исом и извршниот директор на Делта ерлајнс Ед Бастијан во вторникот изјавија дека неодамнешните авионски инциденти, заедно со тешките временски услови и економската несигурност, негативно влијаеле на побарувачката на патувања во Соединетите Држави.
