Босна и Херцеговина првпат ќе има клуб кој ќе игра во групна фаза од Европско натпреварување, тоа ќе биде тимот на Зрињски кој го помина Брејдаблик од Исланд со вкупни 6-3.
На првиот меч кој се играше во БиХ, Зрињски победи со 6-2, денеска загуби со 1-0 во Исланд, но тоа беше пораз кој воопшто не боли.
Зрињски во плејофот за пласман во Лига Европа ќе се бори против ЛАСК Линц од Австрија, а доколку го загуби двобојот обезбедува директен пласман во групната фаза од Конференциската лига.
