Борусија Дортмунд синоќа со 1-0 ја доби првата пресметка против ПСЖ во полуфиналето во Лигата на шампиони.
Гостите имаа неколку шанси, најблиску до гол беа на стартот од второто полувреме, кога во период од неколку секунди, два пати ја затресоа рамката на голот, прво Мбапе пласираше и ја погоди левата статива, а потоа Хакими биеше по земја во десната.
Токму Килијан Мбапе бил инволвиран и во интересна ситуација по последниот свиреж, автобусот на ПСЖ си заминал од „Сигнал Идуна Парк“ без напаѓачот.
Како што пренеусва Ле Паризиен, првата ѕвезда на „светците“ морала да остане поради допинг тест, и потоа со приватен автомобил да им се придружи на своите соиграчи на аеродромот.
