Овие две екипи пред некој ден играа меч во Лига Купот, Арсенал тогаш победи со 3-2, а сите три гола ги даде Габриел Жесус.
Бразилскиот напаѓач продолжи да го полни голот на Кристал Палас и на денешниот меч, со негов гол во шестата минута Арсенал поведе со 1-0.
Во 11. минута Сар израмни на 1-1, но само три минути подоцна Габриел Жесус даде уште еден гол за ново водство на Арсенал, овојпат од 2-1. Тоа беше петти гол по ред за Бразилецот.
На седум минути пред крајот на првиот дел Хаверц зголеми на 3-1, тоа беше и конечниот резултат по првите 45 минути.
По 15 минути игра во вториот дел Мартинели даде гол и зголеми на 4-1, а на пет минути до крајот Деклан Рајс даде прекрасен гол за конечни 5-1.
