Министерството за правда веќе ги објави евиденцијата на летовите и имињата на луѓето поврзани со Џефри Епстајн, посрамениот финансиер и сексуален престапник.
Тоа го соопшти американската државна обвинителка Пам Бонди за телевизијата Фокс њуз.
„Она што ќе го видите се многу дневници на летови, многу имиња, многу информации“, кажа Бонди и додаде: „Но, прилично е болно што направил тој човек, заедно со неговата соучесничка“.
Attorney General Pam Bondi [@AGPamBondi] confirmed today that “a lot of names” from the Jeffrey Epstein files will be released sometime tomorrow.
I bet it won’t have Elons or Orangeys 🍊 pic.twitter.com/UfjfdLeUGn
— Tio Red Octopus🐙 W. κρυπτός 🜃Φ🌹🇵🇸𓂀 🪬 (@Gandalf_ElPulpo) February 27, 2025
Епстајн, кој изврши самоубиство во њујоршки затвор во 2019 година и претходно се изјасни како виновен за наведување на лица помлади од 18 години на проституција во 2008 стана светски познат по своите врски со истакнати и моќни поединци, вклучувајќи го британскиот принц Ендрју и двајца американски претседатели – Бил Клинтон и Доналд Трамп.
Во моментот на смртта, Епстајн беше обвинет за сексуална трговија.
NOW – White House counselor says the “Epstein list” is expected to be released today: “It’s incredibly disturbing.”pic.twitter.com/EmzcoWoZaH
— Disclose.tv (@disclosetv) February 27, 2025
Неговата соучесничка Жислејн Максвел, доби казна од 20 години затвор во 2022 година откако беше осудена за федералните обвиненија за сексуална трговија.
Иако не е јасно кои конкретни информации министерството за правда намерава да ги објави, многу престапи на Епстајн се пријавени низ годините и тој е именуван во неколку тужби.
Бонди додаде и дека Епстајн имал повеќе од 250 наводни жртви.
Најавеното објавување на владините документи во врска со Епстајн предизвика шпекулации дека ќе вклучува „листа на клиенти“ на сите соработници на Епстајн – славни и богати личности, кои учествувале во неговите сексуални злосторства.
