Крај на серијата на Ливерпул во Премиерлигата, избраниците на Клоп немаа пораз од септември минатата година, но вечерва капитулираа на Емирати.
„Топчиите“ поведоа со голот на Сака во 14. минута, но длабоко во судиското надополнување на првиот дел, Габриел си постигна автогол за 1-1.
Арсенал се врати во предност по дваесетина минути игра во вториот дел кога Алисон направи аматерска грешка, излезе да расчисти една топка, но промаши цел фудбал, па Мартинели рутински реализираше за 2-1.
Во финишот од мечот, Конате заработи втор жолт картон и беше исклучен, а трите бода беа потврдени во 92. минута, Тросар ги постави конечните 3-1.
Со оваа победа, Арсенал дојде на два бода до Ливерпул, Манчестер Сити има три помалку, но и два натпревари помалку.
На останатите денешни натпревари во Премиерлигата, Манчестер јунајтед со 3-0 го совлада Вест Хем, Вулверхемптон го изненади Челси и славеше во Лондон со 2-4, додека на мечот помеѓу Борнмут и Нотингем Форест резултатот беше 1-1.
