Околу 70 отсто од територијата на земјата е покриена со шуми, па можеби ова е причината зошто Финците сакаат да поминуваат време во природа. Опкружени со шума и природа се чувствуваат мирно, некои од најпопуларните активности се долгите прошетки и возење велосипед.
Финска се нарекува и „земја на илјада езера“. Овие езера се резултат на глацијација која завршила пред 10.000 години. Водата во финските езера е толку чиста и здрава што можете да ја пиете директно дома од чешма и речиси секој ресторан ќе ви понуди бесплатна вода во бокал, дури и ако не побарате.
Родителите во Финска месечно добиваат по 100 евра за секое дете, а интересно е што овој „детски додаток“ важи додека детето не наполни седумнаесет години. Некои ги трошат тие пари, но повеќето родители ги оставаат на страна и ги даваат на своето дете кога ќе се исели од дома.
Во Финска се прави најдобрата пица во светот. Целата приказна започна со поранешниот италијански премиер Силвио Берлускони, кој во една прилика, меѓу морето гафови по кои беше познат, успеа да изјави дека не е љубител на финската храна и дека не може да се спореди со италијанската храна. Три години подоцна Финска победи на натпревар за правење пица и ја остави Италија зад себе, победничката пица беше наречена – Берлускони.
Финците одамна сфатија дека рециклирањето е неопходност, па дури повеќе од 90 отсто од отпадот се рециклира. Девет од десет пластични шишиња можат да се рециклираат, а процентот на стаклени шишиња е уште поголем.
Населението на Финска навистина ѝ верува на полицијата. Довербата е над 90 отсто, а на високо ниво е и довербата во другите институции. Затоа, Финците немаат проблем со недоверба во институциите.
Фрлање мобилен телефон во далечина, носење жена, лов на комарци, свирење на воздушна гитара, Финците, помалку или повеќе, го практикуваат сето ова. Тешко е овие активности да се наречат спорт, но не е лесно да се стават ниту во друга категорија.
Пред десет години, Финска стана првата земја во светот што го прогласи правото на интернет за основно човеково право. Владата им нареди на давателите на услуги брзината да биде најголемата можна и дека интернетот мора да биде достапен за секого.
