Генетиката игра голема улога, но и начинот на живот може да има значително влијание. Стресот, исхраната и хормонските промени се вообичаени причини, објаснува Јохан Хелстром, стилист на шведското кралско семејство, пренесува Индипендент.
Најчестите форми на губење на косата се:
- Телоген ефлувиум (зголемено опаѓање на косата): често е резултат на болест, стрес, породување или нутритивни недостатоци. Може да се појави шест до 12 недели по активирањето.
- Кршење на косата: резултат на сувост и оштетување, што ја прави косата кршлива и поподложна на кршење.
- Хормонските промени, лековите, прекумерниот стајлинг или природното стареење исто така може да бидат причини.
Исхраната игра клучна улога – косата е одраз на здравјето на организмот. Недостигот на минерали и витамини може да предизвика опаѓање на косата.
Хранливи материи кои го поттикнуваат растот на косата:
- Омега-3 масни киселини: јаткасти плодови, чиа семе, лосос
- Витамини од групата Б: бадеми, интегрални житарки
- Цинк и железо: Месо, леќа, семки од тиква
Дополнително, миноксидилот и стимулансите на фоликулите можат да помогнат да се стимулира растот на косата, вели трихологот (експерт за проблеми и нега со косата и скалпот) Анабел Кингсли.
Навики кои можат да ја оштетат косата
- Претесно врзувањето на косата може да доведе до алопеција – ако вашата фризура ви предизвикува главоболка, премногу сте ја затегнале.
- Четките со природни влакна можат да ги оштетат и косата и скалпот – подобри се флексибилните пластични иглички.
- Топлинските уреди се еден од најголемите виновници – високата температура ја оштетува косата и предизвикува кршење.
