Весникот Комерсант цитираше извор близок до Рускиот истражен комитет дека проектилите истрелани од повеќекратен ракетен фрлач во украинската област Харков погодиле лизгалиште во центарот, трговски центар, станбени згради и автомобили, пренесе Ројтерс.
Од Киев немаше официјален коментар, но украинскиот медиум РБЦ-Украина цитира извори кои велат дека Украинските сили нападнале воени цели во Белгород како одговор на масовното руско бомбардирање на украинските градови претходниот ден.
⚡️ Explosions, fires recorded in Russia’s Belgorod.
Explosions and fires were recorded in the Russian city of Belgorod on Dec. 30. Footage from Russian Telegram channels captured extensive damage in the city.
📷 ASTRA/Telegram pic.twitter.com/Nd9VxRQco6
— The Kyiv Independent (@KyivIndependent) December 30, 2023
Портпаролката на Министерството за надворешни работи Марија Захарова за државната новинска агенција РИА изјави дека Русија побарала состанок на Советот за безбедност на ОН за да разговара за инцидентот.
Сирените за воздушен напад се огласија низ градот додека регионалниот гувернер Вјачеслав Гладков ги повика жителите да се скријат во засолништа.
4 dead in #Belgorod after missile attack, air alert working again
“All residents should go down to shelter. The danger remains,” reports Governor Gladkov. pic.twitter.com/igXKmbd4k1
— NEXTA (@nexta_tv) December 30, 2023
Регионот Белгород, кој се граничи со северна Украина, како и други руски погранични зони, цела година претрпува гранатирања и напади со беспилотни летала за кои властите ја обвинуваат Украина.
„Денес, режимот во Киев се обиде да изврши недискриминирачки комбиниран напад врз градот Белгород со две ракети „олха“, како и со ракети „вампир“ од чешко производство“, се вели во објавата на Министерството за одбрана во Телеграм. „Ова злосторство нема да остане неказнето“.
⚡️ More footage from belgorod.
Videos from local social media.
👉 Follow @Flash_news_ua pic.twitter.com/HHozrpTEwF
— FLASH (@Flash_news_ua) December 30, 2023
Се наведува дека повеќето од ракетите, вклучително и две ракети „олха“ биле соборени, со што се избегнати поголеми жртви, но фрагменти паднале врз градот.
Слики објавени од РИА покажуваат најмалку три автомобили во пламен, а други слики објавени на интернет покажуваат црн чад што се издига од градот.
Двајца жители изјавија за Ројтерс дека виделе проектили за противвоздушна одбрана како се издигнуваат кон небото, проследени со експлозии во воздухот.
