Одговорноста за нападот ја презеде палестинската милитантна исламистичка група Хамас. Воениот командант на Хамас, Мухамед Ал-Деиф денеска ја најави операцијата „Бура Ал Акса“ и изјави дека палестинската милитантна група гаѓала непријателски позиции, аеродроми и воени позиции со 5.000 ракети.
Деиф најавувајќи го почетокот на „воената операција“ против Израел ги повика Палестинците насекаде да се борат. „Ова е денот на најголемата битка за да се стави крај на последната окупација на земјата“.
Apocalyptic scenes right now in southern Israel. pic.twitter.com/uuseUdcytV
— Trey Yingst (@TreyYingst) October 7, 2023
Исламистичкото движење Хамас денеска го изврши најголемиот напад врз Израел во последните години, отворајќи жесток ракетен истрел од Појасот Газа додека вооружени напаѓачи ја преминале границата.
Додека се слушале предупредувачки сирени низ јужен и централен Израел, вклучувајќи го и Ерусалим, израелската војска соопшти дека е подготвена за војна, а премиерот Бенјамин Нетанјаху свика итен состанок на безбедносните службеници.
A rocket fired from Gaza has struck a residential area in Israel. pic.twitter.com/mHODxDVCHu
— Joe Truzman (@JoeTruzman) October 7, 2023
Овој инцидент е најсериозен откако Израел и Хамас водеа 10-дневна војна во 2021 година, при што израелските медиуми известуваат за вооружени судири меѓу групи палестински борци и безбедносните сили во јужните израелски градови.
Според итните служби, во ракетните напади загинала една Израелка, а 15 се повредени. Израелската војска соопшти дека нејзините сили дејствуваат во Газа, но не наведе детали. Палестинските медиуми објавија дека голем број Израелци биле заробени од борци, а медиумите на Хамас објавија видео на кое јасно се гледа уништен израелски тенк.
#BREAKING Israeli military radio is reporting that Palestinian fighters have quote ‘infiltrated’ various areas from Gaza into Israel. #Israeli occupation forces and their settlers. #AlMayadeen #Palestine #Gaza #AlAqsaFlood #طوفان_الأقصى #IsraelUnderAttack #IndiaWithIsrael pic.twitter.com/Qo4bHDRGSs
— Vikas Bailwal (@VikasBailwal4) October 7, 2023
Министерот за одбрана Јоав Галант одобри мобилизација на резервисти и прогласи „специјална безбедносна операција“ во радиус до 80 километри од Појасот Газа за да може израелската армија подобро да ги заштити цивилите.
Во Газа можело да се слушне татнеж од ракетни истрели, а жителите известија за вооружени судири долж оградата за разделување со Израел, во близина на јужниот град Кан Јунис, и рекоа дека забележале значително движење на вооружени борци. Израелската служба за брза помош соопшти дека тимови биле испратени во области во јужен Израел во близина на Газа.
Израелските одбранбени сили прогласија воена готовност како одговор на ненадејниот напад од Газа. Министерот за одбрана одобри мобилизација на воени резервисти.
