Демонстрантите полицијата ја гаѓаа со петарди, јајца и пивски шишиња и палеа бали сено на улиците на Брисел, на што полицијата одговори со водени топови, а земјоделците ги спречи да соборат едно дрво на скалите на Европскиот парламент.
The EU parliament building in Brussels is under seige pic.twitter.com/OE3KbRRWWD
— karma (@karma44921039) February 1, 2024
Земјоделците со денови блокираат автопати низ ЕУ, барајќи намалување на увозот на земјоделски производи надвор од ЕУ бидејќи им ги уриваат цените.
Земјоделците успеаја таа тема да ја уфрлат на дневниот ред на денешниот самит на ЕУ на кој требаше да се разгледува само договорот за финансиска помош од 50 милијарди евра за Украина, за што лидерите успеаја брзо да се договорат, но белгискиот премиер Александар де Кро кажа дека мора да се позанимаваат со барањата на земјоделците.
In front of European Parliament right now:
➡️ Fire
➡️ rocks and firecrackers thrown against policemen
➡️ lots of drunk and aggressive people pic.twitter.com/zfuIuJF4Q4— Daniel Freund (@daniel_freund) February 1, 2024
„Мораме да се увериме дека тие можат да ја добијат вистинската цена за производите од висок квалитет кои ги даваат. Исто така мораме да се погрижиме административниот товар кој го имаат да остане разумен“, кажа Де Кро, чија земја во првата половина од оваа година претседава со ЕУ.
Меѓутоа, не е јасно дали на состанокот на 27-те лидери ќе се изнесат какви било конкретни предлози.
EU Parliament under siege. Tensions in Brussels between European farmers and police. EU politicians are now afraid. pic.twitter.com/no5fcI5Ga9
— RadioGenoa (@RadioGenoa) February 1, 2024
Протестите на кои се главно млади земјоделци со семејства се одржуваат низ ЕУ, а во Грција денес пред Земјоделскиот саем во Солун.
Собирите се главно мирни, а француската полиција уапси 91 демонстрант кои во средата упаднаа на најголемиот европски пазар за храна на големо. Повеќето се пуштени, а истрагата ќе утврди колкава штета предизвикале, соопштија властите.
Покрај плановите на ЕУ објавени оваа недела, лидерите предложија и други начини за помош на земјоделците.
Некои денес кажаа дека нема да се одобри трговскиот договор со јужноамериканските земји кој се разгледува, освен ако увозот не ги исполните истите регулаторни стандарди со кои се соочуваат земјоделците во ЕУ што е клучното барање на тој сектор.
„Приоритет за нас треба да биде спроведување на постоечките правила и прописи, а не наметнување нови за земјоделците“, кажа ирскиот премиер Лео Варадкар.
