среда, 19 јуни 2024

Зеленски во Шведска: Само заедно можеме да го запреме лудилото од Москва

Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, додека бара дополнителна воена поддршка од Западот во војната против Русија.

Фото: ЕПА

Објавено на

часот

Сподели

Соопштението доаѓа додека западните земји дебатираат дали да ѝ дозволат на Украина да користи западно оружје за да напаѓа воени цели во Русија кои ја поддржуваат офанзивата врз североисточниот украински град Харков.

„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.

Зеленски рече дека ќе потпише билатерални договори и со Норвешка и Исланд.

Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.

Сите нордиски земји се членки на НАТО, кои цврсто ја поддржуваат Украина.

„Вреди да се повторува одново и одново, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.

„Поради тоа поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.

Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.

Данска и Финска веќе потпишаа 10-годишни безбедносни договори со Украина во февруари и април, соодветно.

ТОП ВЕСТИ

ПОСЛЕДНИ ВЕСТИ