Индустријата веќе придонесува за зајакнување на одбранбените способности на Украина во услови на војна, како и за економскиот раст и вработувањето, рече Зеленски во својата вечерна видео порака.
Зеленски го поздрави договорот со западните партнери, првенствено со Соединетите Американски Држави, за заедничко производство на оружје како „едно од нашите најголеми политички достигнувања оваа година“.
Договорот овозможува производство на современа воена опрема, рече тој, додавајќи дека производството на западни видови оружје дополнително ќе се локализира.
Украинскиот министер за стратешки индустрии Олександар Камишин претходно им изјави на новинарите дека Украина тројно го зголемила своето одбранбено производство оваа година.
