„Стигнав во Хрватска за да се сретнам со премиерот Андреј Пленковиќ и претставниците на другите земји од регионот и да учествувам на третиот самит Украина – Југоисточна Европа. Со премиерот Пленковиќ ќе разговараме за понатамошната одбранбена соработка, рехабилитацијата на нашите ранети на фронтот и обновувањето на Украина“, наведе Зеленски на социјалната мрежа Икс.
I have arrived in Croatia to meet with Prime Minister @AndrejPlenkovic and representatives of other countries in the region, and to participate in the third Ukraine–South East Europe Summit.
With Prime Minister Plenković, we will discuss further defense cooperation,… pic.twitter.com/OXMWpl38md
— Volodymyr Zelenskyy / Володимир Зеленський (@ZelenskyyUa) October 9, 2024
Репортерот на ХТВ кажа дека пристигнувањето на Зеленски е еден од безбедносно најкомплицираните средби одржани во Дубровник.
Поради мерките за безбедност, уште вчера биле отстранети контејнерите и кантите за ѓубре, а паркиралиштата се испразнети и затворени со полициска лента.
Мерките на безбедност вклучуваат одредени траси на движење, контрола на храната и пијалаците, обезбедување на транзитот, гранична контрола, контрола на странците, контрола на жителите.
Во градот има снајперисти, контраснајперисти, морнарива, авијација, пренесува ХРТ. Градот го надлетува хеликоптер.
Покрај Зеленски и хрватскиот премиер најавено е доаѓање и на претставници на Црна Гора, Косово, Грција, Бугарија, Албанија и Македонија. Се очекува и доаѓање на претседателот на Србија Александар Вучиќ.
Се очекува учесниците на самитот да прифатат заедничка Дубровничка декларација за чиј текст сè уште се преговара, но таа би требало да биде слична на претходните декларации од самитите во Атина и Тирана.
Главните точки на декларацијата треба да бидат осуда на руската агресија, поддршка на територијалниот интегритет на Украина, поддршка на „планот за праведен мир“ на Зеленски, барање за процесирање на воените злосторства во Украина, поддршка на евроинтеграциите на Киев и членство во НАТО кога ќе се стекнат услови за тоа, како и поддршка на енергетската безбедност и обнова на Украина по завршувањето на конфликтот.
