Ова е првпат јасно да ја каже целта на упадот на руска територија што започна на 6 август.
„Штотуку го добив извештајот на врховниот командант на вооружените сили, Олександр Сирски, за ситуацијата на истокот на Украина, операцијата во регионот Курск, фондот за размена на затвореници и снабдувањето на нашите бригади со муниција и оружје. На нашите момци им оди одлично на сите фронтови“, рече Зеленски.
„Сепак, има потреба од побрза испорака на залихите од нашите партнери. Ова го бараме. Во војна нема одмор. Потребни се одлуки, како и навремена логистика за најавените пакети помош. Ова конкретно го упатувам до САД, Велика Британија и Франција“, додаде тој.
Зеленски истакна дека во текот на денот се постигнати добри резултати, особено уништувањето на руската опрема кај Торечко. Сепак, тој предупреди дека само дента руските сили извршиле десетици напади во околината на Торечко и Покровско.
„За само еден ден имаше десетици напади, нашите единици, нашите бригади прават сè за да ги задржат своите позиции. Им благодарам на сите што го овозможуваат тоа“, рече тој.
Тој објасни дека главната задача на одбранбените дејствија на Украина воопшто е да се уништи што е можно поголем руски потенцијал и да се изведат максимални контраофанзивни операции. „Ова вклучува создавање тампон зона на територијата на агресорот преку нашите операции во Курскиот регион“, рече тој.
„Исто така, со оваа операција сакаме да ослабиме сè што може да ѝ помогне на Русија во продолжувањето и ширењето на агресијата и да се приближиме до крајот на агресијата за Украина да постигне мир што е можно поскоро“, додаде тој.
