Украинскиот претседател Владимир Зеленски денеска го разреши шефот на Советот за национална безбедност и одбрана (СНБО), Олексиј Данилов.
Претседателскиот указ за разрешување на Данилов денеска беше објавен на веб-страницата на Кабинетот на претседателот.
Во друг декрет, Зеленски го назначи Олександр Литвиненко, актуелен шеф на Украинската служба за надворешно разузнавање, како замена на Данилов. Олех Ивашченко ќе го замени Литвиненко на функцијата шеф на службата за надворешно разузнавање.
Засега не е кажана никаква причина за промените. Зеленски, исто така, допрва треба да го коментира отказот на Данилов.
Данилов беше секретар на Советот за национална безбедност и одбрана од 2019 година.
