Заврши ерата на Роман Абрамович во Челси, попладнево пристигна потврда за комплетирање на зделката со која Челси премина во рацете на конзорциумот предводен од Тод Боли и Клиарлејк.
„Чест ни е што станавме нови сопственици на Челси“ – рече Боли. „Нашата визија е јасна, сакаме да ги направиме навивачите горди. Покрај тоа што сакаме да ги развиме младинските тимови и да ги донесеме најдобрите таленти, планираме да инвестираме во клубот и да продолжиме да бележиме успеси“.
Медиумите подолго време пишуваат дека зделката е тешка 4,25 милијарди фунти, од оваа сума, 1,75 милијарди фунти се пари кои ќе бидат инвестирани во тимот во следните 10 години.
