UPBEAT, првата европска платформа за шоукејс фестивали ја лансираше наградата за Најдобар Нов Талент за да го нагласи значењето на уметниците во подем и музичкото богатство задушено од генеричката поп култура. Жири од експерти, прочуени музички професионалци, критичари и познавачи на индустријата внимателно селектираа десет номинирани кандидати од вкупно стотина артисти кои настапувале на фестивалите организирани од членовите на UPBEAT низ годината. Финалниот победник беше избран од публиката со приближно четири илјади гласачи од цела Европа кои го поддржаа својот омилен артист.
Со најголем број на гласови, победник е исклучителната музичка уметница од Македонија, Зарина Првасевда која свири и македонска и светска традиционална музика. Таа има соработувано со артисти ширум светот, а исто така има работено и на филмски проекти. Балансирајќи го своето раскошно наследство со автентичното самоизразување, Зарина Првасевда го пронајде сопствениот глас на нејзиниот деби албум „Ехо“. Нејзината вокална техника е вкоренета во источноевропските и ориенталните традиции, кои ги комбинира со инструментален и ритмички диверзитет. Со срдечен и свеж поглед кон македонското наследство, „Ехо“ содржи единаесет традиционални песни на четири различни јазици. Како уметник кој не го ограничува својот ангажман со музиката, покрај жанровски вкрстувачките уметнички соработки и доближувањето на македонското наследство до пошироката публика, Зарина е позната и по тоа што се приклучи на напорите Шар Планина да се прогласи за национален парк.
„Доаѓајќи од мала држава, патот до видливоста е несомнено потежок, но мојата верба, труд и напорна работа, благодарение и на поддршката од страна на платформите како што е UPBEAT кои успеваат да ги воочат, на крај се исплатат. Оваа награда е големо достигнување за мене и за мојата држава. Благодарение на сите добри луѓе кои гласаа, благодарение на UPBEAT, ние одиме напред со уште повеќе музика која ја топли душата, онаа која се размножува кога ја споделувам“, изјави Зарина Првасевда.
Покрај Зарина Првасевда како победник, и номинираните кандидати кои со гласањето влегоа во потесниот круг, исто така ќе добијат поддршка од платформата и нивниот кариерен пат ќе биде менториран од истакнати музички професионалци.
Номинираните кандидати за наградата на Најдобар Нов Талент на UPBEAT за 2023 се: Дева (Деvа) – Унгарија, Дуо Руут (Duo Ruut) – Естонија, Ердофу Бенд (Erdőfű Band) – Унгарија, Jулија Козакова (Júlia Kozáková) – Словачка, Ленхарт Тејпс (Lenhart Tapes) – Србија, Магали Саре и Манел Фортиа (Magalí Sare & Manel Fortià) – Шпанија / Каталонија, Перија – Северна Македонија, Суоно Дaјере (Suonno D’Ajere) – Италија и Вернихора (Wernyhora) – Полска.
UPBEAT – европска платформа за шоукејс фестивали за музика на светот е проект за меѓународна платформа координиран од Хангвето (Hangvető) со седиште во Будимпешта и кофинансиран од програмата за Креативна Европа од страна на Европската комисија. UPBEAT е брзо растечка иницијатива, која моментално брои 14 престижни членови од „AtoJazZ“ фестивалот, „Tallinn Music Week“ или „BudapestRitmo“. Платформата делува како етикета за квалитет и професионална мрежа, поддржувајќи ги новите уметници преку своите членови. Членовите на UPBEAT добиваат поддршка за водење на претстојни артисти, со што се отвора пат за музика инспирирана од културното наследство, музика на разновидни и оригинални јазици која е засенета од мејнстрим сцената.
