недела, 26 мај 2024

„Замисли“ со голема граѓанска акција: Стоп за партиските вработувања во здравството!

Балканскиот центар за консултативни политики „Солуција“ преку голема општествена акција ќе се обиде да направи промени во Законот за здравствена заштита кои сега им овозможува на партиски назначените директори на болниците да си го искористат своето законско, дискреционо право и тие самите да изберат кого ќе вработат, без разлика на резултатите на кандидатите. „Солуција“ вели дека преку граѓанската сила „Замисли“ заедно со еснафските лекарски организации, Здружението на млади правници и со поддршка на Делегацијата на ЕУ, согласно европските стандарди, започнува  голема, општествена акција за соочување со проблемот и за негово решение.

 

Објавено на

часот

Сподели

“…Без разлика на постапката на конкурсот, постапката на изборот е оставена на дискреционото овластување на одговорните службеници“…, се наведува во Извештајот „Дискрециони овластувања во законодавството кое го регулира вработувањето во областа на здравството“, изработен во рамки на проект на ЕУ за поддршка на државната реорганизација.

„Дека овие овластувања се проблем, не се гледа само од извештаите и анализите на ЕУ. Примерите кога најквалитетните кандидати се одбиени, или кога директорот си вработува по партиски список се секојдневни и се и низ вашите извештаи и анализи.  Јасно е дека е потребна итна акција за ова да се промени. Ваквата практика не е само погубна за граѓаните, кои поради негативната селекција на лекари добиваат неквалитетна здравствена заштита, туку и за самите способни лекари кои соочени со бруталната партизација, спасот го бараат надвор. Партиите нема да ги направат потребните измени без силен граѓански притисок.  Во месеците што следуваат низ различни активности, јавни дебати и лични сведоштва на македонски лекари, дел тука, дел веќе заминати – ќе ви ги откриеме големината и сериозноста на овој проблем, а ќе изработиме и понудиме и – солуција.  Бараме поддршка од сите доктори, сите експерти, целокупната преостаната здрава сила низ македонскиот и здравствен и државен систем – и се разбира – од сите граѓани! Нашите лекари заслужуваат фер игра и селекција базирана на заслуги! Нашите граѓани заслужуваат саглам здравство“, велат од „Солуција“.

ТОП ВЕСТИ

ПОСЛЕДНИ ВЕСТИ