На видеото објавено на руски канали на Телеграм се слуша интензивен оган. „Криминалците се елиминирани“, објави руската Федерална затворска служба во соопштението пренесено од новинската агенција Интерфакс.
„Вработените кои беа држени како заложници се ослободени. Тие не се повредени“, соопштија од затворската служба.
🇷🇺 Special forces eliminated all six terrorists in Rostov pre-trial detention center-1 who took hostages.
– Three security officials were injured as a result of hostage-taking in pre-trial detention center-1. All of them are not in serious condition. One of the victims was… pic.twitter.com/IAemMBFK5B
— Lord Bebo (@MyLordBebo) June 16, 2024
Шестмина затвореници држеле двајца чувари како заложници во центар за притвор во јужниот руски регион Ростов, тврдејќи дека се поддржувачи на Исламската држава, објави рано утринава каналот на Телеграм База, кој има извори во руската полиција.
Се вели дека шестмината мажи, кои биле задржани во истражниот затвор, биле вооружени со ножеви.
Тие се соочувале со обвиненија за тероризам, вклучително и поврзаност со Исламска држава (ИД).
Тие барале возило, огнено оружје и слободен излез од центарот.
