петок, 1 март 2024
Совет на јавни обвинители

Закажана седницата на која ќе се даде мислење за кандидатите за државен обвинител

Советот на јавни обвинители за утре ја закажа седницата на чиј дневен ред е давање на мислење за пријавените кандидати на огласот за именување на главен државен јавен обвинител. На огласот пријавени се Фатиме Фетаи од Вишото јавно обвинителство Скопје, Лидија Раичевиќ од Основното јавно обвинителство Скопје и Љупчо Коцевски од републичкото Јавното обвинителство.

Објавено на

часот

Сподели

Советот на јавни обвинители, согласно законските рокови, треба во рок од 15 дена да даде позитивно или негативно мислење до Владата, по што Владата до Собранието предлага еден од кандидатите што добил позитивно мислење.

Собранието го објави огласот на 29 ноември годинава, откако пратениците ја изгласаа одлуката за именување нов јавен обвинител.

На актуелниот државен јавен обвинител Љубомир Јовески вчера му истече мандатот , а Советот на седница минатата недела ја избра обвинителката Соња Симовска од државното Јавно обвинителство за вршител на должноста до завршување на изборот.

Според Законот за јавно обвинителство за јавен обвинител може да биде именувано лице кое има непрекинат работен стаж од најмалку десет години како јавен обвинител или како судија од областа на кривичното право.

Јавниот обвинител се именува од Собранието, по предлог на Владата со мандат од шест години и право на повторно именување. За својата работа и работата на Јавното обвинителство одговара пред Собранието.

Актуелниот државен обвинител, Јовевски, беше именуван на 25 декември 2017 година, а го наследи Марко Зврлевски, кој беше разрешен во август истата година.

ТОП ВЕСТИ

ПОСЛЕДНИ ВЕСТИ