„За никого не е тајна дека војниците на земјите од НАТО долго време се во Украина и активно ѝ помагаат на украинската армија, меѓу другото, во употребата на оружјето што му се доставува на Киев“, рече таа и додаде дека францускиот претседател Емануел Макрон не кажал ништо ново.
Претходно, неименуван европски функционер рече дека западните специјални сили се присутни во Украина, објави Фајненшл тајмс.
„Сите знаат дека западните специјални сили се присутни во Украина, едноставно тоа не е официјално објавено“, цитира весникот изјава на висок европски воен претставник.
Официјалниот претставник додава дека изјавата на Макрон за испраќање западни воени сили во Украина има цел „да создаде воздржаност и несигурност“ во односите со Русија.
Францускиот претседател Емануел Макрон во вторникот изјави дека западните лидери разговарале за можноста за испраќање војници во Украина, но дека сè уште не е постигнат консензус. Францускиот премиер Габриел Атал, исто така, не ја исклучи можноста за испраќање војска во Украина и додаде дека Париз „не би можел да се помири“ со победата на Русија.
