недела, 26 мај 2024

Захарова: Советот за безбедност на ОН требаше да го осуди нападот на конзулатот во Сирија

Актуелната ситуација на Блискиот Исток во никој случај не смее понатаму да ескалира, а Советот за безбедност на Обединетите нации мора да почне да работи, кажа портпаролката на руското министерство за надворешни работи Марија Захарова.

Фото: ЕПА

Објавено на

часот

Сподели

„Во никој случај ситуацијата не треба да се предизвикува да дојде до понатамошно влошување. Мора да се направи сè за Советот за безбедност на ОН да почне да функционира“, кажа Захарова.

Таа кажа дека не функционира не затоа што е застарен или затоа што Повелбата на ОН повеќе не е релевантна, туку затоа што постојат земји кои не дозволуваат нејзино користење.

„Што значи тоа? Тоа беше напад на конзуларен објект. Тоа е територија која го има целиот имунитет според Виенската конвенција“, истакна Захарова.

Политиката на Вашингтон доведе до актуелниот колапс на Блискиот Исток, каков што регионот не доживеал во поновата историја, истакна портпаролката на руската дипломатија.

„Се чини дека ова е уште една американска авантура која пропадна, како што пропадна таканаречениот проект „Украина“ во контекст на американското читање на иднината на оваа земја“, истакна Захарова.

ТОП ВЕСТИ

ПОСЛЕДНИ ВЕСТИ