Инвестицијата е во вредност од 40 милиони евра, која треба да отвори 600 нови работни места и истата ќе се одвива во повеќе инвестициски фази.
„Имајќи предвид дека изминатите шест месеци се реализираа седум нови странски инвестиции на Алказар Енерџи за изградба на ветерници во општините Радовиш, Штип и Карбинци, е во вредност од 500 милиони долари и 630 нови вработувања, инвестицијата на Епсотех за изградба на развојно истражувачки центар, алерти центар во вредност од 20 милиони евра и нови 110 вработувања, инвестицијата за производство на сопирачки за шински возила на американскиот Вебтек во вредност од 35 милиони евра и нови над 100 вработувања, инвестиција за производство на литиум јонски батерии на германската компанија БМЗ груп во вредност од 65 милиони евра и нови 700 вработувања, инвестиција на Брејнчајд во вредност од 8,5 милиони евра и вработување на околу 200 лица, инвестиција на германската Костал од 50 милиони евра и нови 250 вработувања, како и инвестицијата на АД Бау интернационал во вредност седум милиони евра и отвора 200 нови вработувања, и инвестицијата на Авеста батери во вредност од 40 милиони евра и 600 нови вработувања е осмата странска директна инвестиција, со што бројот на ново отворени работни места се зголеми за скоро 2.800“, се појаснува во соопштението.
Овие инвестиции, се подвлекува, директно придонесуваат за поттикнување на економскиот раст на Македонија, како и поттикнување на локалниот економски развој.
„Градиме политика која значи подобрување на животниот стандард на граѓаните. Ја трансформираме Македонија напред и создаваме подобра иднина и надеж за сите граѓани. Посветено работиме на економскиот напредок на државата и отворање на нови работни места“, се наведува во соопштението.
