понеделник, 27 мај 2024
Институт за јавно здравје

За една недела уште 44 заболени лица од голема кашлица

Нови 44 случаи на голема кашлица се пријавени од 5 до 11 април, но заразата бележи намалување за 10 отсто споредено со претходните седум дена. Најголем број од случаите се пријавени во Скопје.

Објавено на

часот

Сподели

Пријавени се болни и во Битола – четири и по еден случај во Куманово, Кратово и во Крива Паланка. Возраста на заболените се движи од еден месец до 75 години, а најголем број случаи се од возрасната група од 10 до 14 години.

Од новите 44 заболени, во два случаи била неопходна хоспитализација, се наведува во најновиот извештај на Институтот за јавно здравје (ИЈЗ).

– Заклучно со 11 април се регистрирани вкупно 443 случаи на голема кашлица, со инциденца од 24,1/100 000 жители. По однос на место на живеење, најголем број лица живеат во Скопје – 355 или 80,1 отсто со зафаќање на шеснаесет различни општини. Од територијата на ЦЈЗ Куманово се пријавени 25 лица, од ЦЈЗ Битола 19, 17 лица од ЦЈЗ Тетово, од ПЕ Гостивар – пет и од ЦЈЗ Кочани и ПЕ Кратово по три случаи. По два случаја се регистрирани во Крива Паланка, Дебар, Струга, Пробиштип, Велес и во Струмица, а по еден случај е регистриран од Кичево, Прилеп, Кавадарци и од Гевгелија“, пишува во извештајот.

Од вкупниот број регистрирани случаи – 433, 263 или 59,4 проценти не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани, просек на поминато време од последната доза вакцина до заболување, изнесува 12,9 години.

Од заболените, хоспитализирани се 60 лица и тоа 49 од нив на возраст до четири години.

Дадени се вкупно 39.031 доза вакцина што содржи компонента против голема кашлица во периодот од 18 јануари до 11 април.

ТОП ВЕСТИ

ПОСЛЕДНИ ВЕСТИ