среда, 29 мај 2024

За Димитриевски раководството на СДСМ треба да поднесе оставка за да соработува со ЗНАМ

Раководството на СДСМ во наредните 24 часа да поднесе оставка ако социјалдемократите сакаат да соработуваат со ЗНАМ. А од ВМРО-ДПМНЕ ќе треба јавно да кажат дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, изјави денеска претседателот на движењето ЗНАМ – За наша Македонија, Максим Димитиевски.

Објавено на

часот

Сподели

Тој на денешната конференција за медиуми ги соопшти ставовите на партијата во однос на идните коалиции.

„Со вашите програмски определби дека не прифаќате уставни измени под бугарски диктат и не прифаќате соработка со ДУИ по ниту една цена, се согласуваме. Тоа се наши ставови, први излеговме со тој став и ќе стоиме на тоа. Поради досегашната кампања на ВМРО-ДПМНЕ во јавноста се наметнува една дилема која на ЗНАМ многу му е важно да биде расчистена во целост пред воопшто нашите работни групи, доколку седнат да разговараат, да разговораат за можна идна соработка. Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, за обезбедување на 2/3 мнозинство во идниот собраниски состав, што доколку навистина постои, имплицира дека селективната правда ќе ја имаме и во идната Влада, како што беше и до сега. Во спротивно доколку немате таков став, најдобро е самите да си продолжите и јавно да соработувате, а ние ќе продолжиме заедно со народот“, рече Димитриевски.

Во однос на СДСМ Димитриевски смета дека единствен услов за евентуална соработка е оставка на раководството на партијата и носителите и ко-носителите на кандидатските листи на нотар да изјават дека нема да прифатат пратенички мандати. „Ова се условите на ЗНАМ за почеток на разговори за евентуална соработка со едните или другите. Ние сме транспарентни и ќе бидеме транспарентни во целост. Никогаш нема да сториме нешто со што ќе ја изневериме довербата на граѓаните и интересите на Македонија“, рече лидерот на ЗНАМ.

Запрашан дали ЗНАМ ќе повика како да се гласа на претседателските избори, Димитриевски рече дека партиите не ги носат гласачите во џеб. „Тоа е законско и уставно право на секој гласач, да се произнесе легитмно на демократски  тајни избори за кого ќе гласа. По однос на гласањето, веќе реков дека секој гласач во Македонија може да гласа по сопствено  убедување, така како што е запишано во Уставот и во законот“, изјави Димитриевски.

ТОП ВЕСТИ

ПОСЛЕДНИ ВЕСТИ