понеделник, 20 мај 2024

Вулканот Руанг повторно еруптираше, прогласено е највисоко ниво на тревога (ВИДЕО)

Вулканот Руанг на индонезискиот остров Сулавеси повторно еруптираше, по ерупцијата што принуди евакуација на стотици луѓе и затворање на аеродромот пред неколку дена. Индонезискиот Центар за вулканологија и ублажување на геолошки опасности (ПВМБГ) издаде највисоко ниво на тревога по утринската ерупција и ги повика луѓето да не се приближуваат до вулканот, според веб-страницата на Центарот.

Епа

Објавено на

часот

Сподели

На островот Руанг во провинцијата Северен Сулавеси живеат повеќе од 800 жители, од кои повеќето беа евакуирани поради ерупцијата на почетокот на месецот. Засега не е познато колкумина се евакуирани, пренесува Ројтерс.

Државната агенција за помош при катастрофи не одговори веднаш на барањето за коментар.

На снимките на социјалните мрежи, кои Ројтерс не можеше веднаш да ги потврди како автентични, се гледа како лава се излева по вулканот, кој се наоѓа на околу стотина километри од Манадо, главниот град на провинцијата Сулавеси. Сообраќајните власти привремено го затворија аеродромот во Манадо по ерупцијата на почетокот на овој месец. Карпите и пепелта што бликаа од вулканот ги оштетија куќите, а поради опасност е евакуирана и блиската болница.

Официјалните лица го намалија нивото на тревога на 3 минатата недела, но повторно го подигнаа на ниво 4 во вторникот. Индонезија се наоѓа во таканаречениот „Пацифички огнен прстен“, област со висока сеизмичка активност, каде што се среќаваат неколку тектонски плочи.

ТОП ВЕСТИ

ПОСЛЕДНИ ВЕСТИ