Единаесет години подоцна, иако Србите ги исполнија сите услови, Заедницата на српски општини не е ни на хоризонтот, кажа Вучиќ и додаде: „Овие 11 години беа години на неисполнети ветувања, изговори и лаги, на случајна или намерна неспособност на ЕУ како гарант на договорот да ги мрдне нештата од мртва точка, што резултираше со правно насилство и физичко малтретирање на Србите“.
Генералниот секретар на ОН Антонио Гутереш во редовниот извештај, кој се однесува на периодот од септември 2023 до март 2024 година, наведе дека, и покрај извесниот напредок во имплементацијата на договорите постигнати со посредство на ЕУ, тензиите меѓу Белград и Приштина се засилени, а дека безбедносната ситуација на северот на Косово останува кревка.
Тој истакна дека нема напредок кон формирање на Заедницата на српски општини и покрај дипломатскиот притисок и изрази загриженост поради укинувањето на српскиот динар.
