„Најмногу вложив во односите со нашите браќа Македонци, но тоа не е фер. Испадна дека Грција има повеќе кичма од Скопје, и тоа е точно. Црна Гора не ме ни погоди, ме погоди поради нашите луѓе“, заклучи тој.
Претседателот Александар Вучиќ при синоќешното гостување на ТВ Прва го коментираше гласањето на резолуцијата за Сребреница, но и претставниците на црногорското владејачко мнозинство кои во собраниска процедура го доставија предлогот за резолуција за геноцидот во Јасеновац.
„Црна Гора никогаш нема да донесе закон, резолуција или декларација за геноцидот во Јасеновац. Нема да го донесат, самите кажаа, но сами го кажаа мислејќи дека ќе купат два дена околу Сребреница и тогаш сите ќе го заборават“, убеден е Вучиќ.
„Ви кажувам однапред и подготвен сум да се извинам ако не биде така и најсреќен би се извинил, но за жал нема да има потреба да се извинувам“, продолжи тој.
Вичиќ истакна дека „најодвратно му било однесувањето на Црна Гора“ во однос на Резолуцијата за Сребреница.
Македонија гласаше за усвојување на Резолуцијата за Сребреница. Македонија беше земја коспонзор на предлогот да се донесе резолуцијата на иницијатива на министерот во заминување Бујар Османи.
Генералното собрание на Обединетите нации во средата ја усвои Резолуцијата со која 11 јули се прогласува за Меѓународен ден на сеќавање на геноцидот во Сребреница и се осудува негирањето на геноцидот и глорификацијата на воените злосторници. Србија беше против резолуцијата. Претставниците на 84 земји гласаа за усвојување на резолуцијата, меѓу кои и Македонија, 19 држави беа против, а 68 воздржани.
