„Се согласивме дека зачувувањето на мирот и стабилноста е од пресудно значење за сите нас на Балканот и се договоривме заеднички да работиме на тоа. се договоривме дури и да преземеме одредени акции на смирување од време на време и да се бориме за мир на Балканот бидејќи тоа е од интерес, нормално, за Србија, но и од огромен интерес за Европската Унија и за Европа во целина“.
Вучиќ требаше да има состанок со генералниот секретар на НАТО Марк Руте. Тој претходно изјави дека ќе разговара за билатералната соработка на Србија и НАТО, однесувањето и односот на Кфор и НАТО на Косово, но и за ситуацијата во БиХ.
„Со НАТО имаме сега безброј теми. И не знам дали тие саат или два, колку што трае вечерата, ќе ни бидат доволни за да ги поминеме сите теми“, кажа Вучиќ.
Тој истакна дека не знае дали е доволно јасно колку е комплицирана ситуацијата во БиХ.
„Сите сакаме тоа да го избегнеме, а еден инцидент би бил доволен за сите да имаме проблем и само се обидуваме да спречиме тоа да се случи. И затоа ми е важно што вечерва ќе разговарам со Марк Руте. Морам да признаам дека тој за време на својата посета на БиХ беше многу коректен кон Србија“, кажа Вучиќ.
