„Значи, Ана Брнабиќ повеќе нема да биде претседателка на владата на Србија, како ни член на владата“, кажа Вучиќ. Додаде дека „тој ја молел за нешто друго, но дека таа избрала да биде претседателка на собранието на Србија“.
Тој напомена дека не сe одлучиле кој ќе биде мандатар за состав на нова влада на Србија. Вучиќ наведе дека како шеф на СНС Милош Вучевиќ предложил да се причека уште 7-10 дена пред изборот и објавувањето на името на мандатарот.
На состанокот е одлучено дека кандидат на СНС за градоначалник на Белград на повторените избори ќе биде Александар Шапиќ.
Вучиќ истакна дека се зборувало и за формирање на движењето за Србија. „Движењето не е работа која се формира за избори, не го правиме за некој да добие место повеќе или помалку во парламентот или владата. Пред нас се тешки геополитички времиња“, заклучи српскиот претседател.
