Обраќањето на Ристо Вртев беше кусо и повеќе пати прекинувано со аплаузи.
„Претседателе, имате многу фанови, повеќе од мене, Кога би правел фото робот како изгледа современ, храбар, одговорен и сериозен претседател, тоа би бил Стево Пендаровски.
Имаме две опасни воени жаришта кои не се така далеку од нас. Пендаровски е стручен во областа на меѓународната безбедност и сметам дека немаме подобар кандидат за претседател од него. Особено затоа што најдов податок дека Пендаровски е стручен и за улогата на малите држави во меѓународното право. Нашата држава е мала, но со големо срце. Нашето место е во Европа па му велам на Стево дека сите што мислиме дека нашето место е во европското семејство на народите, сметаме и порачуваме – повтори го мандатот“, рече Вртев.
Инаку, Вртев во јануари од претседателот на Македонија беше одликуван со Орден за заслуги за Република Северна Македонија за непроценливото и за трајното значење во современата македонска култура и уметност.
