Лидерот на Демократското Движење, истовремено и носител во изборната единица број еден, Изет Меџити, учествувал на собир со дијаспората во Берлин на Коалицијата Вреди.
„Убавата вест ќе биде на 8 мај со нашата победа. Дијаспората многу добро знае да ги казнува оние кои го мразат Косово и премиерот Аљбин Курти. Првите политички движења се отпочнати од дијаспората, како за совладување на Југославија, така и за независноста на Косово, а токму од оваа дијаспора ќе пристигне и казната за ДУИ која му се спротиставува на Косово и кокетира со српскиот претседател Александар Вучиќ”, рече Меџити.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување, како четврти столб на Вреди.
Лидерот на Беса, Биљал Касами изрази жалење што на собирот не бил во можност да дојде и Курти поради, како што рече Касами, „ѕвечкањето со оружје од страна на Србија блиску до границата со Косово“.
