Во изјавата од коалицијата Вреди, ДУИ се обвинува дека ги предала интересите на албанските граѓани, ставајќи ги во втор план, додека, како што тврдат, ги искористувала своите позиции за лични и партиски интереси.
„ДУИ стана врата од пеколот за Албанците. Наместо решенија, нивното владеење донесе затворени врати и малтретирања за многумина. Денес, албанските граѓани се ослободија од заканите и уцените, што го покажаа и на последните избори. ДУИ доби заслужен одговор, а казната ќе биде уште построга на следните избори“, изјавуваат од Вреди.
Дополнително, се потенцира дека ДУИ се обидела да воспостави соработки со различни македонски политички партии, но безуспешно.
„ДУИ се обиде да коалицира со сите партии, но безуспешно. Македонските политички субјекти, исто како и граѓаните, ги препознаа нивните дволични игри. Никој повеќе не сака да слушне за нив“, додаваат од коалицијата.
Во соопштението од Вреди се истакнува дека нивната коалиција е најдобрата алтернатива за албанскиот народ, нудејќи транспарентно и отчетно политичко делување.
Вреди е единствената политичка опција во албанскиот табор која го враќа достоинството на граѓаните. Вратата на Вреди е отворена за сите кои сакаат промени, правда и иднина“, се нагласува во изјавата.
Со ваквите позиции, коалицијата Вреди се позиционира како лидер во албанскиот политички блок, фокусирана на реформи и интегритет. Албанските гласачи, според Вреди, ја направија првата промена на последните избори, но допрва ќе го покажат својот став на претстојните избори.
