Според коалицијата, вчерашното гласање за интерпелацијата против министерот за животна средина и просторно планирање, Изет Меџити, претставува јасен доказ дека ДУИ веќе нема контрола ниту врз сопствената пратеничка група.
„Само три пратеници успеаја да гласаа за интерпелацијата што е сериозна нефункционалност на ДУИ, сериозно разединување и брз политички распад. Пораките од ДУИ не стигнуваат до никого во меѓународната заедница, ДУИ е изолирана. Денес не стигнуваат ниту до нивната пратеничка група. Со ова гласање, потпретседателот на Владата, Изет Меџити добива дополнителен легитимитет и потврда за својата борбата против корумпираното раководство на ДУИ, кое за жал е предводено од Али Ахмети, Бујар Османи, Артан Груби и Блерим Беџети. Станува сè поочигледно дека дури и членството на ДУИ и пратениците, како и пошироката албанска јавност, не ја поддржуваат оваа група која ја узурпира моќта, старата слава на ДУИ и спомените од минатото“, велат од Вреди.
Вреди апелира до сите општествени чинители, но и до сите членови на ДУИ, да ја поддржат борбата за демократија, транспарентност и одговорност, „со цел да се спречат понатамошните штетни политики на ова дискредитирано раководство“.
„Единствениот пат за излез од длабоката политичка корумпираност е целосна маргинализација на ова раководство на ДУИ“, велат од Вреди.
