недела, 26 мај 2024

Вработување.ком: Утре ќе се избира Работодавач на годината

Утре во скопскиот хотел Лимак ќе се одржи манифестацијата „Работодавач на годината“ во организација на првиот македонски сајт за пребарување на работни места Вработување.ком.

Објавено на

часот

Сподели

На оваа манифестација ќе бидат доделени наградите за Најпосакувани работодавачи во Македонија, односно најпривлечни компании за вработување во неколку категории, како и награда за апсолутен победник за Најпосакуван работодавач во земјава.

Изборот е направен врз база на интересот на потенцијалните вработени за отворените работни позиции на овие компании, како и анкетите спроведени на сајтот на Вработување.ком за испитување на јавното мислење.

Настанот „Работодавач на годината“ има за цел да ги препознае и да им оддаде почит на компаниите кои покажаа извонредна посветеност кон своите вработени, поттикнувајќи култура на раст, различност и инклузивност. На пазарот на труд кој постојано се развива, од клучно значење е да се признаат организациите кои одат над и подалеку за да создадат исполнети работни средини и да ја дадат приоритет на благосостојбата на вработените, соопшти организаторот.​

„Чест и задоволство ни е што и оваа година можеме да ги собереме работодавачите на едно место, да ги наградиме најпосакуваните, да ги мотивираме останатите и да ја покажеме сплотеноста и желбата за подобра иднина на пазарот на труд во Македонија. Верувам дека со ваквите манифестации ги поттикнуваме работодавачите да го дадат својот максимум, да останат на ниво на задачата во својата индустрија, да ги следат трендовите, да вложуваат во своите вработени и да растат како на македонскиот, така и на странскиот пазар. Верувам дека ќе биде една убава манифестација, на која ќе размениме идеи, искуства и многу позитивна енергија. А, патем ќе одбележиме и 21 година постоење на Вработување.ком, овој пат како дел од Алма Кариер групацијата од Финска“, вели генералниот менаџер на Vrabotuvanje.com, Дарко Велков.

 

ТОП ВЕСТИ

ПОСЛЕДНИ ВЕСТИ