Пожарот во Пацифик палисејдс, богат кварт меѓу Санта Моника и Малибу со домови вредни повеќе милиони долари, гори на повеќе од 500 хектари. Еден од клучните автопати е затворен, а погодената област и поголемиот дел од Лос Анџелес се покриени со густ чад, јавува Франс прес.
Околу 30.000 жители се под наредба за евакуација, а повеќе од 13.000 структури се загрозени, изјави шефицата на противпожарната служба во Лос Анџелес, Кристин Кроули.
Таа соопшти дека засега нема повредени.
Гувернерот на Калифорнија Гевин Њусом рече дека „многу објекти веќе се уништени“. Сепак, не се знае колку, пренесува АП. Њусом прогласи вонредна состојба.
This is by far the craziest video from the fire in Los Angeles. This guy is filming huge walls of fire surrounding a house they’re in, and there’s another person and a dog. I have no idea why they didn’t evacuate or what happened to them. Let’s hope they’re okay. #PalisadesFire pic.twitter.com/QYtsBSKvdl
— Sia Kordestani (@SiaKordestani) January 8, 2025
Актерот Стив Гутенберг – ѕвезда на комедијата „Полициска академија“ од 1984 година – за локалните медиуми изјави дека се обидувал да им помогне на пријателите во погодената област да се евакуираат, но патиштата биле блокирани.
Келси Трејнор, жителка на погодената област, изјави за АП дека единствениот пат што води надвор од нејзиното соседство е блокиран и дека огнот гори од двете страни.
„Пожарот премина од едната до другата страна на патот. Луѓето излегоа од своите автомобили со бебиња, кучиња и чанти, плачејќи и врескајќи. Патот беше блокиран“, рече Трејнор.
Многу луѓе во паника ги оставија своите автомобили покрај патот, кои мораа да се отстранат со булдожери за да можат да поминат екипите за итни случаи. Приморскиот пат по кој се евакуираат луѓето е блокиран.
Please send prayers and strength tonight to everyone in Los Angeles affected by these devastating fires. Los Angeles is in a state of emergency and over 30,000 have been ordered to evacuate.
Thank you to the brave firefighters and first responders who are working tirelessly to… pic.twitter.com/vS8cRoZrCn
— Chris Pratt (@prattprattpratt) January 8, 2025
Актерот Џејмс Вудс објави видео од пожар во близина на неговата куќа на Икс.
Вудс рече дека успеал да се евакуира, но не знае дали куќата му изгорела.
Our deck three minutes ago. pic.twitter.com/KpZDELpN8L
— James Woods (@RealJamesWoods) January 7, 2025
Пожарот избувнал утрото и брзо се проширил, а десетици пожарникари се обидуваат да го изгаснат, вклучително и од воздух.
Во овој период од годината, во областа дува ветер познат како Санта Ана, за кој синоптичарите велат дека може да прерасне во најлошата бура во последната деценија.
Во делови од Лос Анџелес и Вентура се очекуваат налети на ветер до 160 километри на час, поради што се стравува дека повеќе луѓе ќе мора да се евакуираат.
Највисокото предупредување за пожар се очекува да остане на сила до четврток навечер.
Градоначалничката на Лос Анџелес Карен Бас напиша на социјалните мрежи дека пожарникарите се однапред распоредени и „агресивно“ се борат со пожарот.
„Жителите во областа се повикани да ги почитуваат предупредувањата за евакуација и да ги слушаат упатствата на службениците за јавна безбедност“, напиша Бас.
