Претседателот на Советот Трајко Славески првично побара да се изгласа дневниот ред на вонредната седница, па да се даде пауза, но на инсистирање на координаторката на советничката група на СДСМ веднаш даде пауза од половина час.
Претходно советниците од ВМРО-ДПМНЕ имаа забелешка зошто на седницата не се присутни советниците од СДСМ кои побараа да се свика вонредната седница.
Ова е втора вонредна седница на Советот на Град Скопје што е свикана денеска, откако претпладнево не беше донесена одлуката за субвенционирање на ЈСП со 11 милиони евра со што ќе се овозможи исплата на декемвриската плата на вработените во ЈСП, кои изутрина од 9 часот прекинаа со работа и нема јавен градски превоз во Скопје. Одлуката не помина за еден глас, односно не беа доволни 22 гласа „за“ од присутните советници. Триенаесет беа воздражани, а ниту еден против.
Вработените во ЈСП организирани од синдикатот од претпладнето се пред просториите на Град Скопје чекајќи исход за одлуката за субвенционирање. Синдикатот веќе најави дека без позитивен исход нема да продолжи јавниот градски превоз кој денеска функционираше само до 9 часот.
