Швајцарската влада соопшти дека отсекогаш била отворена за поканата на Русија, но дека Москва постојано нагласувала дека не е заинтересирана за учество на првиот самит. Руските власти истакнуваат дека Швајцарија ги усвоила европските санкции против Москва поради инвазијата на Украина и затоа нема кредибилитет како неутрален посредник.
Швајцарија во јануари објави дека ќе биде домаќин на мировен самит на барање на украинскиот претседател Володимир Зеленски, меѓу поканетите делегации се членови на Г7, Г20, БРИКС, ЕУ, меѓународни организации и двајца верски претставници.
Целта е да се договори рамка за траен мир во Украина и план за учество на Русија во мировниот процес. Разговорите ќе се одржат на 15 и 16 јуни во одморалиштето Буергеншток во кантонот Нидвалден во близина на Луцерн.
