Од националниот парк Шар Планина велат дека поради ветрот пожарот е проширен на повеќе страни.
„Пожарот е многу проширен на три страни, неколку десетина хектари се опожарени. Има изгорени и пасишта, букова шума и заемјоделски ниви од село Вешала“, информираат од Национачниот парк Шар Планина.
Екипа од 10 вработени (ренџери) во Националниот парк „Шар планина“ од Тетово се отидени на терен за гаснење на пожарот. Од Националниот парк се бара и асистенција од другите надлежни институции што порано да се интервенира.
„Од терен е побарана итна воздушна поддршка заради неможноста пожарот да се стави под контрола, како и повеќе вода на располагање за тетовската пожарна“, наведуваат од ЦУК.