петок, 18 октомври 2024

Во последната недела од 2023 регистрирани 72 заразени со ковид-19

На Универзитетската клиника за инфективни болести и фебрилни состојби во Скопје, ноќеска биле примени двајца пациенти со ковид. Во последната недела од 2023 година регистрирани се 72 случаи со ковид-19 и 47 пациенти зараени со грип.

Фото: Пиксабеј

Објавено на

часот

Сподели

Вкупно 47 пациенти со грип биле прегледани на Универзитетската клиника за инфективни болести и фебрилни состојби во Скопје од почетокот на годинава, информираше директорката на Инфективната клиника во Скопје, Милена Стевановиќ. Во последните 24 часа на Клиниката биле прегледани 22 лица со грип.

На Инфективната клиника во Скопје ноќеска биле примени двајца пациенти со ковид, од кои едниот во тешка состојба, но со друга основна болест.

„Имаме вкупно четири пациенти на клиниката“, рече Стевановиќ.

Директорот на Институот за јавно здравје Шабан Мемети за МИА информира дека вкупно 72 случаи на ковид-19 се регистрирани од 25 до 31 декември. Најмногу од нив, 39 се во Скопје, 12 во Прилеп, 10 во Охрид.

Во Детската клиника Козле дневно има до 200 деца во амбулантско-поликлиничкиот дел, што поминуваат низ консултативните амбуланти.

Доктор Мирјана Поповска, специјалист педијатар во оваа болница изјави дека во моментов има околу шеесетина хоспитализирани деца.

„Најчесто станува збор за инфекции на долните дишни патишта. Најранлива, најзасегната категорија се доенчињата до една година“, појасни Поповска.

Таа додаде дека и во декември ги имале приближно истите бројки на пациенти.

ТОП ВЕСТИ

ПОСЛЕДНИ ВЕСТИ