„Ние, како доброволци од Доброволното противпожарно друштво Пехчево, сме посветени да продолжиме да се бориме со огнените стихии, но сега ни е потребна вашата помош. Секоја донација, колку и да е мала, ќе ни помогне да набавиме нова опрема и возило, со што ќе можеме повторно да ја заштитиме нашата заедница“, се вели во објавата на ДПД Пехчево кои за таа цел апелираат до сите хумани граѓани да донираат на трансакциската сметка со број 300200000007592 на име ДПД „Пехчево“.
Паралелно повик за парични донации е отворен и на платформата gofundme.com. Во описот организаторите на акцијата за донации информираат дека донациите ќе бидат наменети исто така за ново возило наменето за потребите на Доброволното противпожарно друштво од Пехчево.
„Овие донации се за опрема и возило кое изгоре во пожарот над село Негрево. Опремата е повеќе од потребна за пожарникарите-херои кои деноноќно се жртвуваа во пожарите кои на почетокот на август избувнаа во Пехчево“, вели организаторот на акцијата на самата платформа, Тимче Цековски.
Линкот за донација на оваа платформа е под името ,,Да помогнеме за Пехчево,” а досега е собрана минимална сума од предвидените 6.000 евра за помош на ДПД „Пехчево“.
