Здружението на антифашисти потврди дека полицијата, како и претходните години, усно им соопштила дека не ја дозволува мирната комеморативна прошетка до Партизанските спомен-гробишта. Истакнуваат дека во Мостар таквата одлука не е ништо ново, пренесува Кликс.
„Објаснувањето е дека тоа е од безбедносни причини поради одржувањето на фудбалскиот натпревар Зрињски-Славија кое не го прифаќаме, бидејќи во истото време низ градот дозволиле прошетка на мостарските мажоретки и деца од градинки. Ако за нас, возрасните, не е безбедно, како и безбедно за децата или пак станува збор за нешто други и двојни аршини.
Ако во тој контекст го ставиме и фактот дека овие денови навршуваат дваесет месеци од терористичкиот чин извршен на Националниот споменик на БиХ – Партизанските спомен-гробишта, а дека истрагата е уште во тек и нема резултати, тогаш не можеме да не прашање: „На база на кои показатели, ако не станува збор за политичка одлука, заклучивте дека оддавањето почит на гробиштата е можен безбедносен проблем?“, наведува антифашистичкото здружение на Мостар.
„На кого му пречат илјадата или двете илјади туристи кои доаѓаат во градот и сакаат да положат цвеќе на гробиштата и кој се срами од она со што се гордее целиот цивилизиран свет? Решително ги отфрламе ваквите одлуки како политички и бараме санкционирање на налогодавците. Смрт на фашизмот, слобода на народот“, се заклучува во соопштението.
