Техничката влада треба да се избере в недела на 28 јануари.
Во техничката влада опозицијата ќе има и заменици министри во ресорите финансии, информатичко општество и земјоделство. ВМРО-ДПМНЕ синоќа на седница на Извршниот комитет ги утврди кандидатите за во техничката влада.
За министер за внатрешни работи е предложен Панче Тошковски, актуелен претседател на правната комисија на ВМРО-ДПМНЕ и долгогодишен адвокат.
За нов дополнителен заменик министер за финансии е предложена Елена Петрова, висок професионалец во областа на финансиите. Ѓоко Велковски е нов предлог за кандидат за министер за труд и социјална политика.
За нов дополнителен заменик министер за информатичко општество и администрација е предложен Стефан Андоновски, досегашен меѓународен секретар на партијата и советник во Советот на Град Скопје.
Цветан Трипуновски за дополнителен заменик министер за земјоделство, шумарство и водостопанство.
