Предвидено е проектот да трае седум години, а планира да ги идентификува и анализира сите говори на Хитлер и за првпат да ги направи достапни на академскиот свет и пошироката јавност преку критичко издание, објавија научниците во Манхајм.
Заедничкиот проект го реализираат Фондацијата на архиви на германската радиодифузија, Гете универзитетот во Франкфурт, Институтот за современа историја Минхен-Берлин, Институтот за германски јазик во Манхајм и Универзитетот Марбург.
Целта е сите релевантни текстови и аудиоснимки да се направат достапни во научен формат.
„Фактите и контекстите се објаснети со анотации според актуелната состојба на истражувањето, а кратки биографии ги претставуваат спомнатите личности“, објавија истражувачите.
Објаснувањата ќе бидат објавени во печатена и дигитална форма. Преживеаните аудиоснимки ќе може да се пребаруваат и анализираат.
Проектот го финансира Германската истражувачка фондација, интердисциплинарна организација за промовирање на науката и истражувањето во Германија.
