Првата рунда вакцинација против детска парализа во две дози на затворената палестинска територија се одржа на почетокот на септември, откако таму беше откриен првиот случај на полио во последните 25 години.
Едногодишната офанзива на Израел против палестинското исламистичко движење Хамас опустоши огромни области на Газа и остави голем дел од здравствената инфраструктура во урнатини.
Светската здравствена организација (СЗО) со седиште во Женева вели дека повеќе од 90 проценти од децата треба да се вакцинираат за да се спречат епидемии на детска парализа, што може да влијае на нервите во ‘рбетниот мозок и мозочното стебло.
Масовната кампања за вакцинација ја спроведуваат локалните здравствени власти, детската организација на ОН УНИЦЕФ и Агенцијата на ОН за помош и работа со палестинските бегалци на Блискиот Исток (УНРВА).
