На терен делуваат полицискиот и армискиот хеликпотер, а полетаа и два авиони на Дирекцијата за спасување. Побарана е и меѓународна помош за справување со пожарите.
Активни се пожарите во Општина Долнени кај село Слепче, над селото Бадилен, Струмица, кај селата Негорци и Кованец, Гевгелија, пожар има и помеѓу селата Горни и Долни Липовиќ, Општина Конче, гори и на планината Голешница на врвот Лисец, Општина Чашка, планината Серта, Неготино, се уште е во пламен, во Општина Штип има пожар во атарите на селата Селце и Драгоево, пожарот што пред 4 дена почна во атарот на село Пепелиште, Општина Неготино, навлезе на територија на Штип…
Продолжува периодот на сончево и многу топло време со максимална дневна температура која насекаде ќе биде над 30 Целзиусови степени, а наместа ќе надминува 40 степени поради што до крајот на следната работна седмица ќе биде активирано портокалово ниво за опасност од високи температури. Промена на временската состојба се очекува од петок.
