Книгата, која беше промовирана во рамки на Саемот на книгата, како што информираше авторката, е издадена од Српско уметничко друштво од Белград.
„Чест и задоволство е да се биде единствен претставник од Пехчево и Македонија и единствена поетеса на кого Српско уметничко друштво Белград оваа година на саемот ѝ направи промоција. Благодарност до Неџо Чича Стојановиќ за укажаната чест“, истакна Костадинова.
Габриела Костадинова досега ги има објавено книгите поезија „Записи на болката“ и „Црвената боја на љубовта“.
Прогласена е за почесен граѓанин и успешна жена на Општина Пехчево за нејзините достигнувања во областа на културата.